- اقتباس :
- 1- لو طلبت منك انك تصرخ بأعلى صوتك بحيث
هايسمعك كل من فى الكرة الارضية ياترى هاتصرخ
وتقول اية ؟
هقول كفاااااااااااااااااااااااااااااااااااااية
- اقتباس :
- 2- لو جبتلك آلة الزمن وقولتلك انك هاترجع بالزمن
لورا وطلبت منك تختار زمن من الازمنة علشان
تعيش فية ياترى هتختار اية ؟ ولية ؟
ايام الرسول عليه افضل الصلاة والسلام
علشان اشوفو واعيش حياتهم
- اقتباس :
- 3- لو قولتلك انك لازم تختار صفة واحدة بس من
الصفات دى وتقتل اى صفات تانية فيك ياترى هتختار
اية ؟
( الصدق - الامانة - الحب - الوفاء - التواضع - الاخلاص - التسامح )
السؤال ده صعب اوي اوي
بصراحة كل الصفات مهمة اوي يا رنا
وانا اتمنى يكون فيا اغلبهم
بس انا شايفة ان الصدق اهمهم
لان الصادق هتلاقي فيه كل الصفات دي
- اقتباس :
- 4- ولو جبتلك مسدس وطلبت منك تقتل صفة واحدة
بس من الصفات دى وتخلصنا منها تماما هتختار اى
واحدة فيهم ؟
( الكرة - الشك - الخيانة - النفاق - الغرور-الحقد - الانانية -الكذب)
اعوذ بالله ليه كده بس يا رنا ايه الاسألة دي يابنتي
بس اكيد هختار الكدب لأن الكدب بيجيب بعديه اي حاجة
يجيب الخيانة والغرور والحقد والانانية والكره
الكدب بيجلب كل ده وراه ولو الانسان اصلا صادق مع نفسو قبل مايكون صادق مع الناس كل حاجة هتتحل
- اقتباس :
- 5- لو قولتلك انك هاتبقى رئيس جمهورية لمدة 24
ساعة بس وان اليوم دة هايتكتب فى التاريخ وكل
الاجيال هاتشهدلك بية تفتكر ممكن تعمل اية علشان
ترضى شعبك كلة ؟
هوفرلهم فرص عمل ورغيف العيش
بجد الشعب تعبان اوي اوي اوي
وسيبك مني ومنك ومنو
في ناس تحت مش لاقيه تاكل ومحدش حاسس بيهم
لا ويقولولك محدش بينام من غير عشا
لا دول بينامو من غير حتى ما يفطرو ولا يتغدو ولا يتعشو وكل ده علشان عايزين يعشو بالحلال
الناس دي لازم تتاخد في الاعتبار وتعيش زيي وزيك زيكم كلكم ويوفرلهم فرص عمل يقدرو بيها يعيشو ويعيشو اولادهم
- اقتباس :
- 6- لو جبتلك 4 خواتم واحد الماظ والثانى ذهب والثالث
فضة والرابع معدن وطلبت منك تهديها ل 4 شخصيات
فى حياتك ياترى هتختار مين ؟
الالماظ لامي وبابا يتقاسمو فيه بقا
الدهب لاختي
الفضة لحبيبي علشان حرام يلبس دهب
المعدن لاي حد يسببلي مشاكل
علشان تعرفو اني بلبسو خواتم بردو
بسامح بسرعه
وبزعل بسرعه
- اقتباس :
- 7- لو حصل ان جميع الشخصيات فى العالم كلة اتبدلوا
واتلخبطوا واضطريت تكون شخصية تانية خالص....!!
ياترى اى الشخصيات تحب تكون انت؟ واشمعنة
الشخصية دى ؟
اكون صاحبة سلطة كبيرة علشان ارحم الناس المظلومة في البلد دي واعيشهم في مستويات ارقا واسجن كل واحد مسؤل عن تدهور احوال البلاد وارفع راية السلام للبلاد المحتلة
وبعدين ارجع منال تاني
- اقتباس :
- 8- لوانا جبتلك طيارة كبيرة وقولتلك ان بيها هتقدر تلف
العالم كلة من اكبر دولة لأصغر دولة وقولتلك ابحث عن
اى حاجة انت طول عمرك بتدور عليها ياترى هتكون اية
هى الحاجة دى ؟
هي مش حاجة بدور عليها بس حاجة نفسي اروحها طبعا
نفسي اروح اعمل حج لامي ولبابا وليا
وان شاء الله تتحقق
ولو ابحث عن حاجة يبقا اي حاجة تسعد اهلي
وتخليهم مبسوطين وفي سعادتهم
- اقتباس :
- 9- لو انت قولتلى انك نفسك تحقق امنية ما وبتحقيقها
هيكون حبيبك فى قمة سعادتة و فتحتلك باب
الاختيارات وقولتلك اختار الحاجة اللى هتسعدك وتسعد
حبيبك ياترى هتختار اية ؟
اننا نرتبط طبعا
ونعيش سوى بحلوها ومرها
واني ابطل عناد شوية بس
دي حاجات هتخلينا اسعد الناس ان شاء الله
الرئيسية 
