هل يسعى النظام السائد الى دفعنا الى ان نكرهه ام ان نكره مصر؟

السلام عليكم ورحمه الله وبركاته

فى ظل تلك المتغيرات التى تتطرا على مجتعمنا كل يوم قوانين نستحدثها وقوانين ننسفها من جذورها
يتداعى الى اذهاننا سؤال او بعض اسئله اهمها على الاطلاق :
هل يسعى النظام الى دفعنا الى كره مصر ام كرهه هو ذاته.

فبنظره سريعه الى اوضاعنا الحاليه نجد النظام قد سعى بقصد منه واغلب الظن دون قصد منه ؟؟؟؟؟!!!! بعض القوانين او القرارات التى تنظم حياتنا بعض تلك القوانين والقرارات ان لم يكن معظمها يسعى فى المقام الاول الى زياده حاله الاحتقان الذى يعيشه الشعب من اتجاه الحكومه .
فنجد مثلا قانون المرور الجديد :
ذلك القانون الذى يصفه حتى رجال المرور ذاتهم بانه جبايه اخرى تضاف الى مجمل الجبايات القديمه المفروضه على الشعب بغرض استخراج النقود من جيوب المواطنين فالقانون يضع امام المواطن احد الاختيارات الثلاث لارابع لهم : اما الدفع او الحبس او الحبس والدفع معا لا جديد فيه
كل قانون فى مصر له نفس الاختيارات
مثلا هاحكى لكم موقف حصل من يومين قصاد عيني انا راكب الميكروباص المتجه من الجيزه الى السيده عائشه عند مستشفى الرمد يقف امين شرطه يشير الى السائق ( اصطبحنا وصبح الملك لله )
السائق : سعاده الباشا اامر....
الامين :50 جنيه غرامه ياروح ... ؟
السائق : ليه ياسعاد الباشا ؟
الامين : متعرفش ليه غرامه ماشى والباب مفتوووح .
السائق : يافتاح ياعليم يارزاق ياكريم دى اول مره سيادتك والست اللى على الباب ست كبيره وهى اللى فاتحه الباب عشان بيتفتح لجوه ومش عارفه تقعد
الامين : ادفع ولا هتبجح ونسحب الرخصه اخلص بروح .... ؟
السواق دفع الخمسين جنيه و اتكل على الله .
عدينا والحمد لله كوبرى عباس الامين عند الاشاره اللى فى اول ش المنيل يقرب من السواق .
الامين : 100 جنيه غرامه يااسطى !!!!!!!!
السائق : ليه سعادتك !!!!!!!!!
الامين : ماشي من غير حزام الامان !!!!!
السائق : سعادتك انا لسه دافع قبل الكوبرى 50 جنيه غرامه برضه هوه ايه اليوم اللى كله غرامات ده .
الامين : مالناش فيه القانون ماشي على الكل وانت ماشي من غير حزام امان تانى حاجه انت بتقول قبل الكوبرى يعنى محافظه الجيزه
هنا بعد الكوبرى يعنى محافظه القاهره !!!!!!
السائف : لا حول الله يارب يعنى فرقت الكوبرى ماهى كلها بلد واحده يحرق دى على دى .
المهم من هنا لهنا السائق وفق اوضاعه مع الامين واتكل على الله بعد ماحلف ميت يمين انه مش هايخرج من بيته تانى انهارده لحسن حصيله اليوم تروح مخالفات .
ده بالذمه قانون وده نظام تطبيق .
و نرجع لموضوعنا نجد وثيقه الزواج الجديده :

فى مثل قالوه زمان( ان لم تستح فافعل ماشئت ) سياده نظامنا الحاكم يطبق هذا المثل طبق الاصل فى هذه الوثيقه
يقوم بعمل حملات اعلانيه لمكافحه الزياده السكانيه وفى نفس الوقت يقوم بانزال وثيقه جدبده للزواج وعقد القران قال عشا نيعرف الاتنين اللى هايتجوزوا هايخلفوا ولا لاء لو لاء يبقى ميتجوزوش لو اه هيقدروا يخلفوا يتجوزوا.
وده كده مع حاله الرشوه اللى موجوده فى مصر والحمد لله يبقى كل الشباب يقدروا يخلفوا والحمد لله صحه الشباب زى الفل مفهاش مشاكل و كله هايخلف ان شاء وبس المهم عند الحكومه انها تاخد الـ 60 اللى هيدفعوا فى المستشفى مش مهم الشاب هيروح يكشف ولا لاء حتى لو دفع فى الشهاده بره 1000 جنيه مش مهم المهم ال ـ 60 جنيه وبس وسلملى على رئاسه الهيئه الدوليه لمكافحه الفساد .

ونرجع للسوال المهم :

هل يسعى النظام الى دفعنا الى كره مصر ام كرهه هو ذاته

وللحديث بقيه مادام فى العمر بقيه .

والله يا روني فيه حجات كتير كويسة وفيه حاجات اكتر مش كويسة يمكن العيب مش في الحكومة الي كل يوم تطلع قوانين يمكن العيب فينا كلنا يمكن العيب مش في القانون يمكن العيب في تنفيزة يمكن العيب في الوسطة (الكوسة يعني وعلي فكرة الكوسة غليت اليمين دول) لو هذا القانون رغم ما فيه من عقوبات رادعة سوف يطبق بحزافيره علي ابن الوزير وابن الغفير ومفيش تفرقة يباأ تمام يمكن يتصلح حال المرور شوية ونقطة اخرا ان الي ينفزوه يكونوا عندهم ضمير وميكنش فيه رشوة ولا نفوس ضعيفة بس الظاهر اني بحلم يمكن يكون الحلم حقيقة اهو احنا هنشوف وربنا يسهل وحاجة تانية ان كتير منا مبيحبش النظام يمكن ده ينظمهم شوية وربنا يسترها
ثانيا الوطن غالي علينا لا تدرك هذا الا عندما تتركه فيجب علينا ان نعمل من اجل هذا الوطن الغالي علينا جميعا من اجل هذه الامة كي نكون خير امة اخرجت للناس علينا ان نلتزم بالنظام بالقانون ان نحافظ علي نظافة وجمال هذا الوطن ولوكل واحد بدا بنفسه هنكون احسن ناس بس نبتدي وبجد نسيب السجاير والحشيش والبانجوا والافلام الفارغة من اي هدف سامي او محتوي مفيد والكلبات الملية بالعري و عليتا ان نستيقظ من نومنا الذي يتمناه لنا اعداؤنا وننظر الي الجزء المملوء من الكوب لا الي الجزء الفارغ لكي نكوتن احسن من تلك الدول التي تعلمت من اجدادنا فنحن لسنا اقل منهم ولكن هم تعلموا وفهموا وحاحبوا بلادهم فبذلوا من اجلها الغالي والنفيس
وللكلام بقية ان شاء الله

الوطن غالى و محدش قال حاجة
و ابسط مثل اننا مجرد ما نسمع اغنية داليدا
كلمة حلوة و كلمتين

حلوة يا بلدى

كلنا بنبقى عايزيننقول حلوة يا مصر

العيب فينا اننا ساكتين على الى احنا فيه ده

شكرا لمرورك

RonyGirl كتب:: الوطن غالى و محدش قال حاجة
و ابسط مثل اننا مجرد ما نسمع اغنية داليدا
كلمة حلوة و كلمتين

حلوة يا بلدى

كلنا بنبقى عايزيننقول حلوة يا مصر

العيب فينا اننا ساكتين على الى احنا فيه ده

شكرا لمرورك

مش كفاية ان يكون حبنا لبلدنا اغاني وبس فيه حجات تاني كتير اهم بكتير من ان احنا نغني فين عملنا واتقانه علي سبيل المثال ...................... ويريت كل واحد فينا يسأل نفسه وهو عمل ايه ويقدر يعمل ايه لبلده
والسلام ختام