الشعرة البيضة.......

بسم الله الرحمن الرحيم

السلام عليكم و رحمة الله

خليكو عاملين حسابكو ان التوبيك دا اهيف توبيك ف تاريخ الاحباب

محدش يتريق

طول عمرك عايش عمال تتنطط و تتشاكل وتروح وتيجى و شعرك الاسود اللى زى شعر هانى سلامه بيرفرف حواليك

شاب و فرحان بشبابك

مقضيها انتا وصحابك ضحك و هزار و خفة دم

و ف يوم طفيت ونمت كالعادة

احلام سعيدة

صحيت من النوم

بصيت فى المراية

لاقيت شعرك ابيض

ولسة الشيبة هتزحف كمان و كمان فى شعرك

متقولليش لو شعرى ابيض هصبغ شعرى انا عارفة يخويا انك هتصبغه

حسيت ان كل الاشجار اللى حوالين بيتك اوراقها وقعت

تعاريج فروع اشجار خريف العمر بتنغرس فى احلامك وتنزف دم

كل احلامك عن المستقبل بتنهار

دبل الفرح والحزن سكن

و ابتدت الساعات تدق على يوم وفاتك
مش بفول والله
بس الموت هوا الحقيقة الوحيدة المؤكده فى حياتنا

تتصدم

وتبتدى تفكر

ماهية الحياه

تكتشف ان الحياه كلها هتبقى تراب وان كل شئ ف الدنيا رخيص

وانك كنت اكبر عبيط

قولى...حققت كل الى كان نفسك فيه؟

حاسس انك راضى عن الى انتا عملته؟

حاسس ان ربنا راضى عنك؟

دايما الحقايق بتغيب عننا ونستنى اللى يفكرنا بيها

بنبقى عارفينها و نتناساها

ابتدى من دلوقتى تحافظ على كل ثانية ف وقتك مش علطول نت كدا

اسعى ورا هدفك

حاول تقرب من ربنا

مهو مش كل حاجة الهدف فى الحياة و النجاح و خلاص

متعملش حاجة الا وهتفيدك

اى حاجة شايف انها هتفيدك اعملها
حتى و لو كانت صعبة و متعبة فى اولها

لو قرفانين من دنيتنا ومش عارفين نعيشها يبقى مش فاضل غير اخرتنا نحاول نبنيلها

قوللى لو لقيت اليوم اللى تبيض فيه شعرة من راسك هتعمل ايه

ومبروك عليك عرفت ماهية الحياه

طبعا الاستقامه هى الطريق الصحيح والافضل

فى الحياه

وانا لو تبيض شعرة من راسى

هاصبغها اسود على طول

هههههههههههههه

مشكورة وياريت تقبلى مرورى

شكرا لمرورك يا تيتو

علي الشعر الابيض وقار جدا
بس طبعا مش للشباب اللي زينا كده احنا لسه صغيرين علي الشعر الابيض
ربنا يستر
ميرسي يارنون

العفو يا احمد

اتمنى من كل قلبى احقق اغلى امنيه ليا
اتمنى ربنا يرضى عنى قبل ما يفتكرنى وياخدنى عنده
بجد نفسى قبل ما الموت يجى يكون كل الناس حبانى
عشان تفتكرنى وتدعيلى دايما بالمغفرة
انا كتير اوى بتمنى الوت
بس بعد ثانية واحدة بترعب
لانى عارفه انى غلطت كتير وعندى سيئات كتيرة
نفسى بجد اطهر نفسى من اى ذنب قبل ما اموت
تقبلى مرورى يارنا

شكرا لمرورك يا سارة

و يا ريت لو كل الناس زيك