بسم الله الرحمن الرحيم
ازيكم يا شباب و بنات منتدى الأحباب
انا اولا عايز اشكركم على مجهودتكم لنشر المنتدى و ذلك بموضوعاتكم الى بتعملوها لأنها بتنزل على محركات البحث زى ( Google , Yahoo , MSN ) و عشان نتشهر اكتر و اكتر لازم مواضيعنا تزيد عشان المحركات ديه تخدها و تحطها عندها و ده حيخلى الأعضاء تخش المنتدى اسرع.
تانى حاجة عايز اتكلم عنها ان منتدانا مفتوح حتى للزوار يعنى ممكن اى زائر يشوف مواضيعنا و لينكاتنا و كل حاجة بس ميقدرش يرد ولا يشارك معانا خالص.
طب و انا عملت كده ليه مخلتهاش ليه لازم تعمل عضوية ؟؟ حقولكوا ليه : عشان محركات البحث تعتبر زائر
لو انا قافل المنتدى على الزوار يبقى محركات البحث مش حتاخد مواضيعنا و مش حتقدر تتعامل مع منتدانا و بالتالى حتتجاهلوا
طب واحد حيقولى طب لينكاتنا كده بتتسرق و مواضيعنا بتتسرق حقولوا اوك معاك بس لو بصينا لها من نظرة تانية حنقول فيها اننا لو قفلين المنتدى يقدر الى بيسرق يعمل عضوية و يسرقنا برضوا و كده يبقى خسرنا مواضيعنا و كمان محركات البحث لكن لو فتحينوا مش مشكلة الى يسرق يسرق لأن محركات البحث سجلت موضوعنا بتاريخ قبل موضوعه الى سرقوا مننا يعنى احنا الأصل
و بعدين احنا مش عيزين اعضاء لا تشارك فى المنتدى
مش بكتر الأعضاء بل بفاعلياتهم و الدليل كام عضو عندنا فى المنتدى حاليا 179 تقريبا كام واحد منهم نشيط بتاع 25 واحد بس و المنتدى اهو متظبط الى حد ما
بالنسبة للأعضاء الى عيزة تحمى الروابط الى فى مواضيعها الموضوع ساهل و انا ضيفت الجزئية ديه فى لوحة المواضيع
الشرح : 1. عندما تكون فى لوحة الكتابة الخاصة بالمواضيع او الردود ستجد زر اسمه (آخر) اشطة
2. علم على الرابط الذى تريد اخفائه و اختر من قائمة (آخر) اخفاء
3. ضع فوق الرابط الذى اخفيته اى جملة توضح انه هناك رابط مخفى
مثال : هنا يوجد رابط بعد ردك على الموضوع سيظهر لك
و ان لم تجد زر (آخر) هذا هو كود اخفاء الرد الخاص بمنتدانا
- الكود:
-
[hide] The Link [/hide]
دلوقتى احنا ناقشنا افكارى لنشر المنتدى يا ريت لو كل واحد فيكم يشارك بفكره بس يكون فكر سليم و موضوعى و يمكن تطبيقه شكرا لكم
الرئيسية 
