عريــس مــن النـــت

قصة قريتها وعجبتني وهيا قصة من نسج الخيال بس ممكن تحصل في الحياة ...

تخيلـوا معايـا

بنت جاية لأمها تقولها ان فى واحد متقدملى
أكيد ان امها بتفرح

بس المشكلة بقى بعد ما تسأل الأم بنتها :
عرفتيه من فين يا بنت ؟
ترد وتقول : من النت يا أمـي

طبعــا الأم ...

وخصوصا انها لا تفقه أى شىء فى الكمبيوتر
سوى أنه جهاز يلعب عليه الأولاد ...!!!!

تعالــوا نشوف عفـاف
وهيا بتقول لأمها ان فى عريس

تركت عفاف الكمبيوتر التي تقضى عليه معظم وقتها فجأة
وصرخت بصوت عالى
مااااما ..... يا ماماااااااااااااااا .....يا ماماااااااااااااااا

الأم : فيه إيه يابت بالراحة إخواتك نايمين
عفاف: معلش يا ماما أصلى فرحانة ....
فرحانة اوي اوي

الأم: خير يا بنتى فرحينى معكاي كدا ربنا يفرح قلبك

عفاف: عريس يا ماما عريس عريــس مــن النـــت 118

الأم فرحة : يا ألف نهار أبيض يا ألف نهار مبروك

لولولولولولولولولولولولولولوى

وبعد دقيقتين أحضان وقبلات تذكرت الأم

الأم: ألا قوليلى يابت
عريس مين دة اللي هيتقدملك
وماقلتليش من ساعة ما جيتى من الجامعة ليه ؟

عفاف: لأنى لسة عارفة دلوقتى حالا يا ماما

الأم بإستغراب: عارفة دلوقتى حالا؟؟؟؟؟؟ عريــس مــن النـــت 139

عارفة منين يابت دة انتى لسة قايمة دلوقتي من قدام الكبورر....

عفاف ضاحكة : كبورر ايه بس يا ست الكل
اسمه كمبيوتر

الأم:مش مهم
المهم عرفتيه ازاى ؟ ومين أصلا العريس دةيعنى جاى منين؟

عفاف:من النت يا ماما

ظلت الأم المسكينة تنظر لابنتها باستغراب
وهى تراجع كل ما تعرفه من كلمات
ولم تجد لكلمة النت أثر بينها عريــس مــن النـــت 139

فسألت عفاف..........

الأم: النت ؟ ودى تبقى فين دى يا بت؟
عفاف: فين ازاى يا ماما؟
الأم: يعنى فينها من الوايلى الى احنا فيها؟

تركبيلها مترو ولا اتوبيس ولا تأخديها تاكسى
اوعى يابت يكونوا بيروحولها بالقطر؟

عفاف ضاحكة : ايه يا ماما الى انت بتقوليه دة؟
مترو إيه وقطر إيه؟! دة النت

الأم: أيوة يا بنتى عرفنا انه الزفت
بس دة موقعه فى انه بلد بالظبط ؟

عفاف:فى كل البلاد يا ماما

الأم باستغراب : انتى اتهبلتى يا بت؟
يعنى إيه فى كل البلاد؟ عريــس مــن النـــت 139

عفاف: يا ماما النت دة عبارة عن كمبيوترات كتير
في العالم وفيه معلومات كتير اوى

الأم:معلومات ايه يابت انتى
هو انتى هتتجوزى دايرة المعارف؟؟؟؟؟؟

عفاف:المهم يا ماما ان فى واحد متقدملى عن طريق النت

الأم: ودة اتقدم ازاى يعنى؟؟؟؟؟ عريــس مــن النـــت 155

عفاف: بعتلى إيميل

الأم فى ذهول: ايميل؟
بعتلك إيميل جارنا المسيحى؟

وإزاى يا بت تقبلى تتكلمى مع الى اسمه إيميل ده
وهو مين عشان الزفت بتاعك ده يبعته لينا!!!!! عريــس مــن النـــت 155

عفاف فى سرها طب افهمها ازاى دى بقىىىى ؟؟؟

عفاف:يا ماما اهدى إيميل جارنا مين بس ...!

الأم: مش انتى الى بتقولى يابت

عفاف:إيميل يعنى جواب بس على النت

الأم: برضه هتقوليلي عالزفت
يابنتى أنا مش فاهمة البتاع الى بتتكلمي عليه دة

عفاف:النت دة ياماما حاجة فى الكمبيوتر
ممكن نبعت فيها رسائل لناس برة
ونستقبل منهم رسائل برضه دة غير حاجات كتير

الأم:أنا ماليش فى الكلام دة
اللي انا عايزة أعرفه هو مين ومعاه شهادة ولا لأ ؟
واصله ايه وفصله ايه ؟؟

عفاف:هو اسمه حاتم
وطالب فى هندسة حاسبات و قاطعتها الأم

طالب؟؟؟؟؟؟؟؟؟؟

عفاف: أيوة ياماما بس فى آخر سنة
الأم : بصى أنا ماليش دعوة بالموضوع دا أنا هتصل بأبوكي وهو يتصرف

اتصلى بيه انتى عالموبايل وأنا أكلمه
زمانه عالقهوة

وفى قهوة المعلم حسنين
رن الموبايل بتاع عم حلاوة العنتبلى الجزار

****
****
****
****

يتبـــــــــــــع

حلاوة العنتبلى وبصوت خشن: أيوة مين ؟

الأم : أنا يا معلم

العنتبلى: عاوزة إيه يا ولية ؟؟؟؟؟ عريــس مــن النـــت 155

الأم: تعالى يا خويا شوف بنتك جايلها عريس من النت

العنتبلى: بتقولى منين ؟؟؟؟؟؟ عريــس مــن النـــت 139

الأم: من النت يا حاج

العنتبلى: يعنى إيه ؟ فهمينى عريــس مــن النـــت 155

الأم: ياخويا لما أفهم أنا ابقى أفهمك
تعالى انت واسألها بنفسك

العنتبلى: ماشى ... هخلص دور الطاولة دة وهاجى على طول

ثم أغلق الموبايل وأخذ يكلم نفسه

نت....!!!! دة يطلع ايه دة كمان؟؟؟؟
تكونشى الولية مراتى اتهبلت ؟؟؟؟؟

بس هى ناقصة هبل ؟ ماهيا كدا كدا مهبولة من يومها

سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟
فانتبه المعلم حلاوة وقال لعنتبلى: قولى يا زينهم
بما إنك كدا متعلم ومتنور ومعاك تالتة ابتدائى
يطلع إيه النت دة؟؟؟؟؟ عريــس مــن النـــت 151

طبعا المعلم زينهم اترسم بقى وأخذ وضع فخر وعزة وهو يجيب

وإنت ايه اللي عرفك بالأشكال دى يا معلم ؟؟؟؟

العنتبلى: اهو عرفت وخلاص بقى

زينهم: والله يا معلم حلاوة
أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق

العنتبلى: ااااااااااااه
يعنى زى تليفزيون كدة يعنى

زينهم: لا يا معلم مش زى التليفزيون
وإنما تقدر تقول عليه جرايد بس بتتشاف على الكمبيوتر

العنتبلى: يا دين النبى
معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟

زينهم وقال عامل فيها فكيك بقى :
مش فى فتحات ورا فى الشاشة يا معلم
أكيد بيدخلوا الجرنال منها عريــس مــن النـــت 118

العنتبلى:أكيد الناس دى فاضية وموراهاش أى حاجة تعملها

زينهم: هو كدة بالضبط يا معلم
بس ليه دة كله؟

العنتبلى: أصل الولية مراتى بتقولى بنتك جايلها عريس من النت

زينهم: ألف مبروك يا معلم
أكيد تقصد ان متقدملها صحفى!!!!!!!!!

العنتبلى وهو مبسوط: بجد ياد يا زينهم؟

زينهم: طبعا يا معلم
ماهو زى ما قلتلك النت عبارة عن جرايد عالكمبيوتر
يبقى قصدها ان واحد جرنالجى اتقدملها

مبروووك يا معلم

كدة ممكن تعمل دعاية للمحل بتاعك فى الجرنال
وتطلع صورك انت والعجل فى صفحة الحوادث

العنتبلى: طب العب يا وش السعد العب

رمى زينهم الزهر ثم صرخ .......دش
راحت عليك يا معلم

يتبـــــــــــــــــــــع

عفاف: يا ماما والنبي افهينى بقي عشان خاطرى
العريس دة لقطة ومفيش زيه فى النت
أنا حبيته من كتاباته

الأم: كتاباته ؟؟؟؟ هو مؤلف؟؟؟؟

عفاف: مش مؤلف قوى يعنى بس بيكتب عالنت

الأم: ودة بيكتب فى ايه بالضبط؟

عفاف: لالالالالالالالا يا ماما
دا ما شاء الله عليه ماخلاش حاجة إلا لما كتب عنها

الأم بخبث :ااااااااااااااااااااااه عريــس مــن النـــت 151

مين يشهد للعروسة؟؟؟؟

عفاف: لا والله ياماما بكلمك جد

الأم بصوت عالى : اسمعى يا بت انتى أنا لا أعرف نت ولا كتابات
أبوكى زمانه جاى دلوقتي هوبقي يتصرف معاكى

عفاف وفي سرها : ماهيا دى المصيبة

دخل المعلم حلاوة العنتبلى فى هذه اللحظة مبتهجا

العنتبلى: مساء الخير

الأم: يسعد مساك يا خويا
تعالى بقى شفلك حل فى بنتك دى

العنتبلى: خير يا بنتى؟

عفاف:أبدا يا بابا
مش انتوا عاوزينى اتجوز
اهو جالى عريس ومع كدة ماما مش عاجبهااااااااااااا

العنتبلى: أكيد مش عاجبها عشان جاهلة
سيبك منها وقوليلى إيه الحكاية؟ عريــس مــن النـــت 128

عفاف: فى واحد طلب ايدى عن طريق النت
وقالى انه جاد فى طلبه ومستعد يجيي فى أى وقت

العنتبلى: عال عال
وإيه كمان؟؟؟؟

عفاف: يعنى انت مش معارض يا بابا؟

العنتبلى: واعارض ليه يا بنتى

عفاف فى فرح:طب ارد عليه اقوله ايه؟

العنتبلى وبصوت خشن:تردي علي مين عريــس مــن النـــت 139

عفاف :على حاتم ياباباااااااااااااااااااااا عريــس مــن النـــت 151

العنتبلى وبصوت خشن:حااااااااتم ميييييين؟ عريــس مــن النـــت 139

عفاف: العريس يا بابا عريــس مــن النـــت 100

العنتبلى:اااااااااااااااه مش تقوليلى كدة من الصبح
قوليلى الأول هو بيكتب فى أنه صفحة؟؟؟؟

عفاف: يااااااااااااااااه يابابا
دة بيكتب فى صفحات كتيرة اوي اوي

العنتبلى: عظيم
وياترى بقى هو مشهور كدا يعنى الناس تعرفه؟

عفاف: أكيد يا بابا دة معروف جدا فى المنتديات

العنتبلى: فين ياختى؟؟؟؟؟ عريــس مــن النـــت 151

عفاف: فى المنتديات يا بابا

العنتبلى: ودى تطلع إيه دى كمان ؟؟؟ عريــس مــن النـــت 139

عفاف:دى صفحات عالنت يا بابا بتجمع أعضاء كتير اوووي
وبيتكلموا فى مواضيع كتير

العنتبلى: يابت سيبك من النحوى دة وكلمينى كلام افهمه

عفاف في سرها:بقى دة نحوى ياعالم عريــس مــن النـــت 151

عفاف: حاضر يا بابا
المنتديات دى زى
زى ايه قعدة المصطبة كدة
كل مجموعة واخدلها ركن وعمالين يتكلموا فى حاجة معينة
وبيبقى لها شروط وقوانين معينة وكدة يعنى

العنتبلى: ااااااااااااااااااااه فهمت
يعنى زى سوق العجول كدة عريــس مــن النـــت 118

عفاف وقد فاض بها:
عجول ايه بس يابا ؟بقى المنتدى زى سوق العجول؟! عريــس مــن النـــت 151

العنتبلى: جرا ابه يابت انتي
مش عاجباكى العجول يا بنت عواطف؟؟؟؟
مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟

عفاف: طيب خلاص يا بابا ...
المهم انه مشهور .. مشهور اوووي

العنتبلى:طيب نيجى للمهم بقىىىىىى
هو عرفك منين؟؟؟؟

شعرت عفاف بالرعب من السؤال فأجابك بسرعة

عفاف: لا يا بابا اوعى تفهمنى غلط
والله ما شافنى ولا مرة حتى فى أى حتة

العنتبلى: ماطبعا يا بنتى لأنه لو كان شافك مكانشى اتقدم أصلا

عفاف: وبعدين معاك بقى يا بابا............. هو أنا وحشة اوي كدا ؟؟؟؟

العنتبلى مبتسما إبتسامة صفراء: يابت بضحك معاكى
انتى زى القمر بس عيبك الوحيد انك شبه أمك عريــس مــن النـــت 147

الأم: جرالك ايه يا راجل إنت ما تتعدل فى الكلام أحسنلك

العنتبلى: احم احم
كنا بنقول إيه يا عفاف؟؟؟؟

عفاف: كنت بتسألنى هو عرفنى منين؟؟؟؟
عموما هو عرفنى من النت
واتقدملى عن طريق النت
وإن شاء الله لو وافقتم هييجى يتقدملى على طول

العنتبلى:وماله يا بنتى خليه ييجى
عرفك من النت عرفك من السلخانة
مش فارقة المهم انه وقع على بوذه

عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!

العنتبلى: قوليله ييجى يوم الجمعة بعد العصر

عفاف مسرورة: حاضر يا بابا هقوله حالا عريــس مــن النـــت Laugh

ودخلت مسرعة إلى حجرتها فاستعجب المعلم حلاوة العنتبلى وسألها العنتبلى: هتعملى إيه يا بت؟؟؟؟

عفاف: هقوله يا بابا

العنتبلى: انتى يا بت أخذتى التليفون عندك؟؟؟؟ عريــس مــن النـــت 139

عفاف: لا يا بابا أبدااااااااا

العنتبلى: امال هتقوليله إزاى من عندك؟ عريــس مــن النـــت 151

عفاف: هبعتله إيميل

صرخ الأب فجأة بصوت مزعج وعالى....................

وإيه الى جاب الواد إيميل عندك فى الأوضة؟؟؟؟ عريــس مــن النـــت 151

عفاف: يا بابا اهدى إيميل مين بس دة الى عندى عريــس مــن النـــت 138

أنا أقصد هبعتله جواب عالنت

تذكر العنتبلى حواره مع زينهم والورق الذى يدخل من خلف الشاشة فقال
اااااااااااااااااااااااااااه
أنا بحسب المهم بلغيه بالميعاد

وقبل أن يغادر إلتفت إليها قائلا:بقولك إيه يا عفاف
بعد ما تكتبى الجواب حطيه بالراحة عشان الشاشة ما تنفجرشى

تابعته عفاف بنظرات الدهشة والحيرة وهى تقول فى نفسها عريــس مــن النـــت 155

احط إيه وشاشة إيه دى الى هتنفجر؟؟؟؟؟؟؟ عريــس مــن النـــت 151

وفى اليوم المحدد أتى العريس أنيقا مهتما بنفسه
بشكل ملحوظ وذو رائحة طيبة وفى أبهى صورة
واستبشر الجميع خيرا إلا أنه كما تعلمون هناك سوء تفاهم رهيب

فالأم تعرف أنه طالب فى كلية محترمة والأب يظنه صحفى مشهور
وعفاف مرعوبة من طريقة تعامل الوالدين مع العريس خاصة والدها\
كما أن المفاجأة غير المتوقعة أن العريس جاء بمفرده

رن جرس الشقة مرة واحدة
فأسرعت عفاف لفتح الباب
ولكن والدها أوقفها وأخبرها بأن تلزم غرفتها حتى ينادي عليها عريــس مــن النـــت 155

ثم فتح هو الباب ليجد شابا وسيم وأنيق ذو رائحة طيبة وابتسامة هادئة
وبيده كيس موز..............!!!!

استبشر حلاوة العنتبلى خيرا ودعاه للدخول
ولكنه أخذ ينظر وراءه فى تعجب لعدم وجود أحد معه
فأغلق الباب خلفه فى عنف وتغيرت ملامح وجهه وهو يقول ............اهلااااااااااا

حاتم: اهلا بيك يا عمي عريــس مــن النـــت Laugh

العنتبلى : خير يابنى؟؟؟؟

حاتم وهو قلق: هى الانسة عفاف ما قالتش لحضرتك إني جاي؟؟؟؟

العنتبلى: اه قالتلنا
بس ماقالتلناش بإن سيادتك هتشرف لوحدك عريــس مــن النـــت 155

حاتم: لا ياعمى منا مش جاى لوحدى أنا معايا كيس موز

العنتبلى: لا ياااااااااااااااشيخ كيس موز.......!!!! عريــس مــن النـــت 155

الأم: ياما جاب الغراب لأمه عريــس مــن النـــت 151

حاتم: طيب يا عمى ندخل فى المفيد

العنتبلى: ندخل فى المفيد
وهو انت متأكد انك جاى تدخل فى المفيد؟؟؟؟

حاتم: أكيد أكيد يا عمي امال أنا جاى ليه؟؟؟؟

العنتبلى: وإن شاء الله هندخل فى المفيد بطولك كدة ولا ايه؟
من غير والدك ولا والدتك ولا عمك ولا خالك ولا أى حد عريــس مــن النـــت 155

حاتم: لالالالالالالالالا يا عمي ماتقلقش
ماهو انتوا هتشوفوهم فى الفرح إن شاء الله

وقف العنتبلى مرة واحدة صارخا: نعم يا خوياااااااااا ؟ فى الفرح؟ عريــس مــن النـــت 151

حاتم: اتفضل بس وأنا هفهمك على كل حاجة ياعمي

العنتبلى: ادينا اتفضلنا اهوووووو نعم؟؟؟؟ عريــس مــن النـــت 155

أنا ياعمي اسمي حاتم
وعندى 22 سنةو4 أشهر و5 أيام و5ساعات ونص

الأم بعصبية: جرى اااااااايه يابنى انت؟؟؟ عريــس مــن النـــت 151

كان زمانك اتجوزت وخلفت كمان

العنتبلى: استنى بس يا أم عفاف لما نشوف اخرتها ايه معاه

حاتم: أنا ياعمي عندى شقة واسعة والحمد لله وجاهزة عالفرش

العنتبلى: اه واللي بعده

حاتم:بس كدا وجاى اطلب ايد الانسة عفاف
طبعا أنا عارف انكم مستغربين إني جيت لوحدى

العنتبلى: الله ينور عليييييييييييييك
هو دة بقى المفيد
وفين الحاج والحاجة؟؟؟؟

حاتم: أصل بصراحه كدا ياعمي
بصراحة .........!!!!
الحاج والحاجة مش مقنتعين بحكاية جوازى من النت دى عريــس مــن النـــت 100

العنتبلى صارخا بوجهه : نعم ياااااحبيبى؟؟؟؟؟ عريــس مــن النـــت 151

هو مين بقى اللي من النت انت ولا احنا؟؟؟؟؟ عريــس مــن النـــت 155

حاتم: احنا الإثنين يا عمي

العنتبلى: يابني انت هتلخبطنى ليييييييييه بقى؟
أنا جزار مش صحفي

حاتم: طيب وفيها ايه دي يا عمى
طيب ماهو أنا طالب مش صحفى

العنتبلى صارخا: مش صحفى؟؟؟؟ عريــس مــن النـــت 155

وكمان طاااااااااااالب.............!!!! عريــس مــن النـــت 155

الأم: امال انت فاكر ايه يا حاج ماهو طالب فى البتاعة دى
اللي بيشتغلوا فيها على الكبورر

العنتبلى: بقولك ايه خشي يا ولية نادي على عفاف

جاءت عفاف بسرعة ووالدها ينظر اليها بغضب عريــس مــن النـــت 151

بينما ابتسم حاتم وهو يقول:
اهلا يا انسة عفاف

عفاف: اهلا بيك يا أستاذ حاتم

العنتبلى: اقعدى يا عفاف وشوفى المصيبة دى...........!!

عفاف: مصيبة ايه بس يا بابا كفا الله الشر

العنتبلى:قال ايه البيه بيقولى انه طالب عريــس مــن النـــت 155

عفاف: أيوة يا بابا منا عارفه ان هو طالب وفي هندسة الحاسبات فى اخر سنة

العنتبلى: نعم يااااااااااااااختى ....؟؟؟ عريــس مــن النـــت 151

أنا كنت فاكره صحفى عريــس مــن النـــت 155

حاتم: صحفى؟؟؟؟ عريــس مــن النـــت 139

بس أناياعمي عمرى ماكنت صحفى ولا هكون

عفاف: استنى بس يا حاتم لوسمحت يظهر إن فيه سوء تفاهم حصل
وفاكرينك صحفى عشان أنا قلتلهم انك بتكتب فى المنتديات

ثم إلتفتت إلى والدها وهى تقول :
يا بابا الأستاذ حاتم بيكتب عالنت مش فى الصحافة
وكتاباته مميزة جدا جدا

العنتبلى: منا عارف إنه بيكتب فى الجرنال
وبعدين يدخل الجرنال فى الشاشة عشان الناس تشوفه عالنت
ااااااااااااايه انتوا فاكرينى جاهل ولا إيه؟؟؟؟؟

حاتم: لا ياعمى العفو....!!!!

عفاف: يابابا هو فيه جرنال فى الدنيا بيدخل فى الشاشة بردوا ؟
هو مين اللي قالك كدة؟

العنتبلى: واحد صاحبى متعلم كدا ومتنور ومعاه تالتة إبتدائى
هو اللي قالي إن الأخبار اللي بتشوفوها عالنت
عبارة عن جرايد بيدخلوها من فتحات الشاشة الى ورا

عفاف: تالتة إبتدائى؟؟؟؟؟ عريــس مــن النـــت 155

يا بابا ....الكلام دة غلط ومافيش جرايد بتدخل من الشاشة ولا حاجة
بالنسبة للأخبار دى عبارة عن كلام مطبوع عالنت

العنتبلى: شوفى يا بنتى إنتى وهو من الاخر كدا
لو فضلتم سنة تتكلموا عن النت دة مش هفهم بردوا عريــس مــن النـــت 152

المهم دلوقتى..............
بسلامته بقى والدك مش موافق ليه؟؟ عريــس مــن النـــت 155

هو احنا مش قد المقام يعني ولا ايه ؟؟ عريــس مــن النـــت 151

حاتم: لا ياعمى العفو دة شرف ليهم إنهم يناسبوا حضرتك انت وطنط

الأم: طنط؟؟؟؟؟؟؟؟
طنط مين يا ضنايا؟!؟؟؟؟؟؟؟ عريــس مــن النـــت 151

عفاف: اهدي بس يا ماما هو يقصد إنه يحترمك مش أكتر

حاتم: أيوة طبعا زى ما قالت عفاف كدة بالضبط

الأم: بس معلشى يابنى لا طنط ولا مدموذيل اقولك
قولي يا حاجة أحسن

حاتم: حاضر يا حاجة

العنتبلى: طيب لما هو شرف ليهم مش موافقين ليه بقىىىى؟؟؟؟

عفاف: هو يقصد يا بابا إنهم مش موافقين على الطريقة نفسها
يعنى الزواج عن طريق النت

العنتبلى: طب ليه يا بنتى مش دة جواز على سنة الله ورسوله؟ عريــس مــن النـــت 139

حاتم: أكيد يا عمي بس تقول اااااايه بقى ربنا يهديهم

العنتبلي: طيب ممكن بقي تقولى ازاي بنتي عجبتك من غير ما تشوفها حتى
يعنى انت أصلا جاي بناءا على ايه؟؟؟؟؟ عريــس مــن النـــت 139

نظر حاتم إلى عفاف وهو يقول............
حاتم:عجبتنى مشاركاتها يا عمي
مواضيعها وردودها يعني
العنتبلي:مواضيع ايه يابني دي اللي عمال تتكلم عليها أنا مش فاهم حاجه عريــس مــن النـــت 155

حاتم : ياعمي اسمعني بس أنا هقول لحضرتك علي كل حاجه

العنتبلي :وادينا سامعين اهو لما نشوف اخرتها ايه عريــس مــن النـــت 151

حاتم : بص ياعمي أنا قابلتها أول مرة فى موضوع كان عن السجاير
كلامها لفت نظري اوي
ولقيتها مرة واحدة مشاركة فى موضوع ليا عن الكورة
وأقنعتنى بكلامها إن الكورة دى للفاضيين
ومش ممكن واحد مسلم يكون بيحس بإخوانه فى العراق وفلسطين
يقعد يكتب موضوع عن الكورة ويشجع الأهلي
العنتبلى: اخص عليكي يا عفاف بقى كدا خلتيه يشجع الزمالك بدل الأهليىىى؟ عريــس مــن النـــت 151

حاتم: لا ياعمى ماقصدش دا هيا خليتنى أسيب الكورة نهائي
واشجع الوحدة الإسلامية وبس
دا بعد ما اقتنعت بكلامها طلبت من الموديراتور إنه يقفل الموضوع
و ....!!!
قاطعه العنتبلى: طلبت من مين يا خويا؟؟؟؟ عريــس مــن النـــت 151

حاتم: الموديراتور
العنتبلى: ويطلع ايه الموتور دة كمان ؟؟؟؟ عريــس مــن النـــت 155

عفاف: يقصد المشرف يا بابا
يعني اللي بينظم المكان
العنتبلي : طيب
حاتم: المهم بقى ....
بدأت اعجب بيها وأتابع مشاركاتها ومشيت وراها فى كل موضوع تروحه
خرجت من ساحة الشباب للمنتدى السياسى
خرجت وراها لقيتها شاركت فى موضوع عن بوش وشارون قمت شاركت معاها
وشكرتها على مشاركتها ونسيت خالص اشكر صاحب الموضوع الأصلي
رغم انها أصلا كانت داخلة تشكره فشكلى كان نيلة اوووي ساعتها
ولقيتها سابت السياسة وراحت لمنتدي الأخوات فى موضوع تعارف
وأنا كنت ماشى وراها زي المسحور فشاركت بعد مشاركتها على طول
رغم إن الموضوع للأخوات فقط وماأخذتش بالى إلا لما المشرف وقفني
وعلى ما سجلت بإسم جديد مؤقتا لقيتها فى المنتدى العام
بتشارك فى موضوع للنكت فقلت اهو فرصة اكتبلها نكتتين كدا يضحكوها قبل ما تشارك هيا
وفعلا كتبت نكت جامدة اوي وقلت أكيد هتضحك
لقيتها كاتبة عتاب طوووويل عريض لصاحب الموضوع
بإن النكت دى ما يصحش تتقال فى منتدى اسلامى
وبتنصحه إنه يشيل الموضوع ويراجع نيته
لقيتها دخلت منتدى الألعاب ودخلت موضوع شمس وقمر قلت ايه
اهو فرصة نلعب سوا
فدخلت قلت شمس قبل ما هيا تقول قمر
واستنيتها كتيرررررررر تقول قمر بس مفيش فايدة
فقلت لنفسى معقولة دة كله بتكتب ثلاث حروف ؟؟؟؟
ولا يمكن بترسملهم القمر نفسه
المهم بعد 5 دقائق لقيتها رازعة صاحب الموضوع كلمتين
عن المشاركات الهادفة والجد ومراعاة ظروف المسلمين المعتقلين
والمعذبين والمقتولين لغاية ما نفسى غمت عليا
فسحبت كلمة شمس وكتبت بدالها تحيا الوحدة الإسلامية عريــس مــن النـــت Laugh

وقلت البنت دى لازم تبقى من نصيبي
لأنها ايجابية جدااااااا ومحترمة جدااااااااااا
فطلبت ايميلها من المشرف قالي ممنوع
حاولت أقنعه وقلتله ياعم يرضيك ويرضيك ابداااااامافيش فايدة
طبعا الأب والأم قاعدين مسبهلين ومش فاهمين أي حاجة
ويستمعون لحاتم ويؤئمون برؤوسهم كأنهم فاهمين
ولكن عفاف كانت تبتسم وقالت:
امال عرفت ايميلى ازاى؟؟؟؟
حاتم: قدراااااااااا
لقيتك كاتباه لواحدة صحبتك قمت اخدته على طووول

يتبع

العنتبلي: هو احنا إن شاء الله مش هنخلص النهاردة ولا ايه ؟؟ عريــس مــن النـــت 155

حاتم: أنا آسف يا عمي
بس أكيد حضرتك موافق طبعا ......!!!

الأم: يوافق على إيه يا جدع انت هو سلق بيض ولا ايه عريــس مــن النـــت 151

الأب: انت عاوزنى أوافق على ايه هو انت قلت حاجة عشان اوافق عليها ؟؟؟ عريــس مــن النـــت 139

حاتم: طبعا ياعمى على عرضى للزواج من كريمتكم عفاف

الأب: انت فاكر اننا هنقبلك كدة بطولك من غير ما والدك ووالدتك يوافقوا و نتفاهم على كل التفاصيل

حاتم: وفيها ايه ياعمى بس..................
هو مش أنا اللي هتجوز بقى ولا هما؟؟؟ عريــس مــن النـــت 100

العنتبلي وقد فاض به الكيل: اسمع ياد انت عريــس مــن النـــت 155

بقى أنا صابر عليك من الصبح وإنت عمال تحكيلى قصة حياتك ولا كأنك صلاح الدين
وبعدين عمال تقولي كنت بجرى ورا البت عالنت
من موضوع لموضوع لغاية ما قطعت نفسى وجيت اتقدمتلها

نيجي بقى للمفيد
إذا كنت فاكر إنك هتضحك علينا بالخمسة كيلو موز دول اللي انت جايبهم
فأنت غلطان دة أنا ممكن أزحلقك بيهم ودلوقتى كمان

لو عاوز تخطب عفاف فعلا هاتلي أبوك وأمك عشان نتفاهم
غير كدة بقى خليك مقضيها مواضيع عالنت احسلك
أما عفاف فاهيا قاعدة معانا اهي بتاكل وبتشرب
ولو ما نفعتشي فى الجواز بسيطه خالص ممكن ندبحها عالعيد
مافيش أى مشاكل .........!!!!!!

عفاف: يا بابا بس ........ عريــس مــن النـــت 100

قاطعها العنتبلى :اخرسى يا بت انتى وقومي خشي جوة عريــس مــن النـــت 151

حاتم: ماهو ياعمي أنا كنت ناوى

وقاطعه العنتبلى : ناوي ايه بقى؟؟؟؟ عريــس مــن النـــت 151

بقالك نص ساعة ناوى ؟؟؟؟

على ما تعمل حاجة هيكون اليوم خلص
أنا خلصت كل اللي عندى روح شاور اهلك
والمرة الجاية لو فيه يعنى هاتهم معاك !
حاتم: طب يا عمى ممكن .............
قاطعه العنتبلى مرة أخرى :بقولك ايه؟؟؟؟
في جاموسة هنروح ندبحها كمان شوية لو أخرتنى ممكن أ.... !!!!
حاتم وهومذعورا: لالالالا يا عمى وعلى إيه .... سلامو عليكم

العنتبلي: وعليكم السلام يا ........
ياسي طالب افندى
قـــــال عريس من النت قـــــال عريــس مــن النـــت 151

شوية شوية تجيبيلى عريس من الإنترنت
عريــس مــن النـــت 121

تمـــــــت عريــس مــن النـــت 114

السلام عليكم ورحمة الله وبركاته
ههههههههههههههههههههههههههههههههههههههههههههه انا بضحك علي سذاجة الاب والام لان مفيش اب وام بالسذاجة ديه دلوقتي يا عاشقة
وبعدين انتي متعرفيش ان في مواقع زواج علي النت ولا ايه يا عاشقة
بس الموضوع جميل جدا لانه بيموت من الضحك
تسلم ايدك

ههههههههههههههههههه هوه حلو بس انا شوفته فى موقع تامر يا ريت تجيبى حاجه من مخك

ههههههههههههههههههه موضوع حلو قوي بجد

حلو اوي الموضوع ده

الله عليكـ يااغزال
يسلمووووو خيووووووو

يعطيكـ مليوون صحه وعاافيه يااغاالي

نـنـتـظـر جـديـدكـ