الوداع سلك رود و اهلا Guild Wars

بسم الله الرحمن الرحيم

خلاص يا شباب ... انا طلقت سيلكرود بالتلاتة و رايح عالم تانى ... عالم Guildwars

اظن معظمكم عارف انا مين ... انا اللى كنت كاتب موضوع سيلكرود هنا من سنتين و نص و انا اللى قبليها كنت كاتب موضوع WOW على السيرفرات الخاصة و قبليها Mu Online و غيرهم ....

بس زى ما عودتكم انى برجع بلعبة جديدة اقوى من اللى قبليها

انا جاى المرة دى مع لعبة Guild wars

1- ايه هى لعبة Guildwars ؟؟

تعتبر من اكبر الالعاب الاونلاين شعبية على مستوى العالم و واخدة المركز التانى حاليا على موقع MMORPG

و واخدة تقدير 9.2 على Game spot ... + ميدالية ذهبية

و اللعبة بتتكون من تلات اجزاء

Prophecies

الوداع سلك رود و اهلا Guild Wars Gwp_eu

Factions

NightFalls

الوداع سلك رود و اهلا Guild Wars Gwn_eu

2- ايه نظام اللعبة ؟

اللعبة زى كل الالعاب الاونلاين فيها PVE و PVP بس التركيز الاكبر على ال PVP
فنظام ال PVE هناك ال lvl cap هو لفل 20 و ممكن تجيبه فى اسبوع ...
و انسى كلمات زى Grind او Farm او Bot ... الكلمات دى ملهاش معنى و مش موجودة فى قاموس اللعبة
فمفيش Quest اسمه اقتل 1000 وحش او جمع 10000 حاجة ... هناك ال Quests كأنها Missions بتمشى ب StoryLine و Cinematic Cut Scenes يعنى كانك بتلعب لعبة عادية على الكمبيوتر زى Medal Of Honor او Oblivion

اما ال PVP هناك فبرضه انسى كلمات زى SoSun او Full Blue او LvL Cap او Full Farm
هناك سلاحك مش مهم .... لبسك مش مهم ... اللى بيفرق بس هو ال Skill Skill Skilll
و لما بقول Skill مش بقصد ال Skill اللى انت متعلمها بل قصدى ال Skill بتاعتك انت ... يعنى طريقة تفكيرك ... و مفيش حاجة اسمها I فيه حاجة اسمها We ...انسى نظام ان واحد يدخل على جيلد
كله يجيبه الارض
او اتنين حرامية يطلعوا على يونيون تراد و ينسفوه كله ....
فيه Guildwars ممكن واحد لفل 1 يقتل واحد لفل 20 و ممكن اى class تموت اى Class تانية
المهارة بس هى اللى بتفرق ...
و فيه اكتر من نظام لل PvP هناك زى Hero Battles و Random Arenas و Team Arenas و Heroes' Ascent و Guild versus Guild و Alliance Battle و Zaishen challenges
و غيرهم كتير ... يكفى انك تعرف ان فيه قارة بحالها فى اللعبة اسمها Battle isles و دى مخصصة لل PvP بس

3- ايه هى ال Classes و الاختيارات المتاحة ليا فى اللعبة ؟

اللعبة بتتيح 10 Classes مختلفين

Warrior
المحارب مهمته فى المعارك التى تكون وجها لوجه و بيستعملوا اسلحة زى ال axe , hammer, swords
و معظم ال skills بتاعتهم نابعة من ال Adernaline اللى بيزيد مع ازدياد شدة المعركة

الوداع سلك رود و اهلا Guild Wars Warriors

الوداع سلك رود و اهلا Guild Wars Warriors

Ranger
الصياد هو صديق الطبيعة فهو مهر فى استخدام الاسلحة بعيدة المدى زى القوس و يستخدم ال Traps لاصطياد ضحاياه ... و بسبب ارتباطه بالطبيعة يمكنه ترويض الكثير من الحيوانات للعمل فى صالحه

الوداع سلك رود و اهلا Guild Wars Rangers

الوداع سلك رود و اهلا Guild Wars Rangers

Elementalist
زى ما الصياد قدر يروض الحيوانات لخدمته ... الساحر استطاع ترويض عناصر الطبيعة لخدمته زى النار و الارض و الماء و الهواء و يعتبر الساحر هو ال Nuker فى اللعبة

الوداع سلك رود و اهلا Guild Wars Elementalists

الوداع سلك رود و اهلا Guild Wars Elementalists

Necromancer
المشعوذ يستخدم السحر الاسود لقتال اعدائه فيمكنه احياء الموتى سواء من اصدقائه او من الاعداء او من الوحوش فى صورة undead و يحاربوا الى جانبه كما يمكنه القاء اللعنات على اعدائه ليصيبهم بالشلل او لكى يضعفهم او يمكنه سحب قوة الحياة منهم

الوداع سلك رود و اهلا Guild Wars Necromancers

الوداع سلك رود و اهلا Guild Wars Necromancers

Mesmer
اقرب كلمة بالعربى لقيتها ليه هى الموهم ... و ده يعتبر اصعب شخصية فى اللعبة لانه بيستخدم سحر الاوهام و السيطرة على الغير و سحر الايحاء فيمكنه تقليد شخصية معينة لفترة زمنيه او سرقة Skills من العدو و لكن صعوبته تكمن انه بيحتاج تركيز شديد و خبرة فى اللعب لان لازم تعرف كل شخصية و تعرف ال Skill المناسبة اللى بتأثر عليها ...

الوداع سلك رود و اهلا Guild Wars Mesmers

الوداع سلك رود و اهلا Guild Wars Mesmers

Monk
الكاهن هو اللى بيستخدم سحر الشفاء لعلاج اصدقائه و تعزيز قواهم الهجومية و الدفاعية
كما يمكنه استخدام السحر المقدس لتدمير اعدائه
و فى معظم الاحيان الفريق كله يعتمد على الكاهن للبقاء فى المعركة

الوداع سلك رود و اهلا Guild Wars Monks

Assassin
القناص هو مشابه لمحارب النينجا يعتمد على الضربات السريعة القاتلة و على السرعة فى القتل
سلاحه الاساسى هو الخناجر و يستخدم سحر الظلال لاضعاف اعدائه (( متاح فى factions فقط ))

الوداع سلك رود و اهلا Guild Wars Assassins

الوداع سلك رود و اهلا Guild Wars Assassins

Ritualist
المستدعى يستمد طاقته من تحضير الارواح و جعلها تحارب الى جانبه فالمستدعى يغطى عينيه دائما حتى يمكنه الاتصال بعالم الارواح و يحصل على قوتهم و جمايتهم (( متاح فى Fracions فقط ))

الوداع سلك رود و اهلا Guild Wars Ritualists

الوداع سلك رود و اهلا Guild Wars Ritualists

Dervish
مش لاقى كلمة بالعربى اوصفه بيه ... بس هو يعتبر محارب من طراز فريد يستخدم سلاح اسمه ال scythe و يستخدموا سحر مساعد لتقويتهم (( متاح فى NightFall فقط ))
الوداع سلك رود و اهلا Guild Wars Dervishes

الوداع سلك رود و اهلا Guild Wars Dervishes

Paragon
ده برضه مش لاقيله اسم بالعربى بس هو محارب يستخدم الرمح فى معاركه و يمكنه قذفه لمسافات بعيدة و يستخدم سحر القيادة لتقوية حلفائه او حتى التضحية بحياته فى سبيل انقاذ اصدقائه و يتيميز بزيه الملائكى (( متاح فى NightFall فقط ))

الوداع سلك رود و اهلا Guild Wars Paragons

الوداع سلك رود و اهلا Guild Wars Paragons

بس مش معنى كده ان GW فيها 10 Classes بس ... لان انت عندك خيار اسمه Secondary Profession ... فمع اختيارك مهنة اساسة من المهن العشرة يمكن ايضا اختيار مهنة ثانوية من المهن العشرة و الذى يجعل امامك 90 Build مختلف تماما
مش بس كدة فانت امامك 1617 سكيل مختلفة تماما ... و مش هقول Devil Cut دى سكيل و Demon Cut دى سكيل تانية زى سيلكرود ...
لا ...ال 1617 سكيل دول كل واحدة مختلفة عن التانية تماما و مفيش حاجة اسمها سكيل مهمة و سكيل مش مهمة ... انت بيكون قدامك تتعلم عدد معين من السكيلز و هنا بقى الابداع
فاستحالة انك تلاقى اتنين فى اللعبة نفس ال Build و نفس السكيلز ...
هتلاقى تنوع رهيب فى اللعبة

4- نيجى لاشهر سؤال ... اجيب اللعبة منين ؟؟

1- ممكن تشتريها بالطرق العادية انك تشترى السى دى من اى محل متخصص فى الالعاب الاصلية ... بس للاسف لحد دلوقتى غير متوافر فى مصر ... فممكن حد يجبهولك من برة .

2- تشتريها من على النت و هو ده اللى معظمنا اشراها عن طريقه

و دى الطرق اللى ممكن تشتريها بيها من على النت

دلوقتى انا حوضح الموقع إلى انا شخصيا اشتريت منه اكتر من نسخة و مرشحه نظرا لنه مضمون من التجربة غير انه سريع نسبيا...و فى طرق دفع كتييير ومتنوعة

الموقع هو الخاص بشراء اللعبة

الموقع بيتيح شراء CD key فقط فقط لأغلب اللعبة الموجودة حاليا و بأسعار متميزة

Guild Wars NightFall CD Key US $32.99

1 x Guild Wars NightFall CD Key

و دى لعبتنا

و دى طرق الدفع المتاحة عالميا
طبعا للى كرته مش حيشتغل بطريقة مباشرة مع الموقع ممكن يتعمل

MoneyBooker
و طبعا دى محفظة الكتورنية معروفة و مدعومة عالميا و امنه جدا جدا جدااااا و كفاية انها داعمة لجميع كروت الدول العربية و باى كرت انترنت ممكن تتعامل معاه

western union
طبعا هنا انا محتاج اتكلم...اسرع طريقة لتحويل الاموال عبر العالم..بس يعيبها مصاريفها العالية بالأخص لو حتحول مبالغ صغيرة..

e-Gold
طبعا دة محظة شهيرة برضه و امنه لكن صعوبة اجرائتها و شحن الأموال من كرتك لحسابك لديها...معقدة شويتين..و مش كل واحد حيقدر حيفهما..لكن مدعومة بطريقة كبيييييييييرة جدا

Cashu
طريقة امنه و اسعارها معقولة و تتيح لك الشراء من الانترنت بامان و اهم ما فيها انها لا تحتاج لأجراءات معقدة و فيزا و بنوك...و لذلك فهى مفيدة للجميع
موقع الشركة..فقط تنشا حساب معهم ثم تشحنه بالفلوس التى تريدها عن طريق شراء كروت الشركة من موزيعها المعتمدين...و هم منتشرين فى كل الدول العربية و محافظات مصر
http://www.cashu.com/?lang=ar&
موقع البائعين المعتمدين لكروت كاش يو
http://www.cashu.com/site/topup_inter.pl?lang=ar
اختار بلدك و سيعرض عليك البائعين و بأرقان تليفوناتهم

5- ايه وجه المقارنة بين Silkroad و Guildwars و World of warCraft ؟؟

اولا بين Gw و WoW

دول فيديوهين على النت عاملين مفارنة بينهم

https://www.youtube.com/watch?v=YcWXL...elated&search=

https://www.youtube.com/watch?v=0wwq9...elated&search=

و ده كان اراء الناس

اما بقى Silkroad

فحدث ولا حرج ..... فبعد ما فضلت العبها اكتر من سنتين اكتشفت انى ضيعت وقتى ع الفاضى ...
الناس اللى بتشتكى من ال Hard Grind فى WoW دول بيشتكوا عشان فى اللفلات العالية بيحتاجوا ع الاقل 6 ساعات عشان يزيدوا لفل ...ده بالنسبة لهم كتير و تضييع للوقت انك تقعد 6 ساعات بحالهم تقتل فى وحوش عشان تزيد لفل بس
نيجى بقى لسيلكرود ... فلو انت فى لفل 79 و معاك سيلك و معاك Bot شغال 24 ساعة ... فعلى الاقل ... محتاج اربع ايام الكمبيوتر ميتقفلش فيهم عشان تبقى لفل 80

اظن دلوقتى الفكرة وصلت

انا عارف ان انا اللى جبت معظم الناس ل Silkroad و عارف ان انا كنت من اشد المؤيدين ليها
بس برضه الاعتراف بالحق فضيلة
اللى بيلعب اللعبة من مدة طويلة بيكتشف ان Silkroad عمرها قصير يعنى الوقت اللى بتحس بيه بمتعة فى اللعب مش هيزيد عن لفل 40 و بعد لفل 40 بتبدأ المعاناة

حتى صاحب اكبر موقع مهتم باللعبة و هو موقع SilkroadForums بعد ما كان من اشد المؤيدين للعبة و من اوائل اللى بدأوا فيها ساب اللعبة دلوقتى و بقى يلعب WoW و فى كذا موضوع ليه بقى يشتم فى سيلكرو و يقارن بينها و بين GW و حتى كان كاتب كدة فى توقيعه

فانت فى سيلكرود 99% من وقتك ضايع فى انك قاعد قدام الكمبيوتر بتتفرج على البوت و هو بيلعب او لو معنكدش بوت يبقى 99% من وقتك ضايع فى انك بتموت وحوش من نفس الشكل
و 1% بس هو اللى فيه المتعة

اما Guildwars ف 99% من وقتك متعة حتى ال PVE هناك فى حد ذاته متعة لانك بتتفرج على قصة مش هتخلص اللى لما توصل لفل 20 و تخلص اللعبة و بعديها تبدأ متعة ال PvP ...
هناك لو واحد قتلك مرة ممكن انت ترجعله و تقتله 10
هناك مفيش حاجة اسمها جمود ... فانت لو معجبتكش شخصيتك او لو عاز تجرب جديد ممكن تعمل شخصية تانية و فى اسبوع واحد تبقى لفل 20
و ممكن لو االشخصية الثانوية بتاعتك معجبتكش تغيرها حتى السكيلز ممكن تغيرها

للاسف الناس دى بتقارن بين WoW و بين GW و بتقول ان ال PvP فى GW هو المتعة و التانيين بيقولوا ان ال PVE فى WoW هو المتعة ...

اما فى Silkroad رايك ايه هى المتعة ؟؟

6- طيب انا خلاص هجيب اللعبة و هبدأ معاكم فيها ... اجيب انهى جزء ؟؟

اولا عشان اكون صريح معاكم ... ArenaNet اللى مصممة اللعبة بما انها مش عاملة مصاريف شهرية
فهى عملت حل تانى عشان تقدر تصرف على اللعبة و هو ال Expansions
فهى قالت كل 6 او 9 شهور هتنزل Expansion جديد
فكل جزء من التلاتة ليه قارة منفصلة متقدرش تدخلها الا لو معاك الجزء بتاعها و لكن كل اللاعبين فى كل القارات بيتجمعوا فى ال Battle isles
و جزء Night Fall و Factions كل واحد منهم فى 2 classes خاصيين بيهم بس ...
ده غير ان فيه Skills زيادة ممكن تتعلمها فى كل جزء ...
بس على اى حال من الاحوال الكلام ده مش هياثر عليك خالص لو جبت جزء واحد
و معظم اللى هيبدأوا انصحكوا تبدأوا ب Nightfall و تمنها 200 جنيه و بعدين لو عجبتكوا ممكن تجيبوا الجزئين التانيين ب 177 جنيه ....

7- طيب انا عايز العب بس الفلوس مشكلة معايا ؟؟

لو انت بتلعب سيلكرود و من الشخصيات اللى بتشترى سيلك فاعتقد عمر ما 200 جنيه هيبقوا مشكلة معاك ...
و لو انت مش بتجيب سيلك تقدر تبيع شخصيتك فى سيلكرود او على الاقل تبيع فلوسك و تشترى Gw ( ده على فرض ان مبلغ 200 جنيه كبير عليك )

على فكرة معظم الناس القديمة اللى كانت بتلعب Silkroad و الناس اللى يعتبروا من مؤسسين اللعبة سابوا سيلكرود و بدأوا فعلا فى Gw ...

و من الناس اللى بتلعبها حاليا Egyptian ( محمد ابراهيم ) ... Sakaliet .... و حمودى
و Egy Moka و Sid_Miere " Jimmy " ... و انس النور و Ebn Egy و Galgamish و Baracoda
و غيرهم كتير جدا ...
كل يوم عددنا بيزيد و ناس كتير بدأت تشد الرحال على Guild Wars

اى اضافات او تعليقات او معلومات عن اللعبة هحطها هنا ان شاء الله و الموضوع هيكون متجدد باستمرار

الموضوع جامد جدا جدا وشرح جامد بس لو ممكن سؤال العبة دى مش متوفرة الا فى الموقع بتاعها وبفلوس (يعنى مفيش حاجة ببلاش ) ؟
لان انا كل الالعاب يا من اصحابى يا بنزلها من على النت ببلاش لكن مجربتش ادفع جنيه واحد فى لعبة اولا لتوافر معظم الالعاب ببلاش فيا رييت لو ترفعلنا اللعبة ودا هيكون موضوع حصرى جدا لان انا بجد بعد الشرح دا حبيت اللعبة دى من قبل ما اشوفها وانا عجبنى فى اللعبة دى تعدد الشخصيات فيها !!
سؤال كمان :- هل اللعبة دى لازم كل شوية تدفع فلوس علشان تقدر تجدد الاكونت بتاعك زى لعبة youhi oh online 2 وفى اللعبة دى لازم كل فترة تشترى زى سيريال علشان تقدر تكمل ؟
ومشكوور تانى يا مان على المجهود دا ويا رييت تكمله برفع اللعبة !!

اوك يا مان جارى البحث فى ذلك الموضوع و الرد قريبا

شكرآآآآآآآآآآ يا معلم

» Guild Guide