نبدأ بسم الله
اول حاجه انتا بتشتري الديب من ال stable وده بيكون ليفل 1 ومش متسمي يعني انت تسميه على مزاجك وبيبقى بمليون دهب
لو اشتريته من شخص بتشتريه ليفل اعلى من حوالي ليفل 10 لحد ليفل 70 وطبعاً كل ما زاد الليفل كل ما زاد تمنه
ولو كان الديب مش متستمي كل ما تمنه يغلى
انا شفت ديب مش متسمي ليفل 68 ب 10 مليون دهب
عموماً احب اقولكم عالتجارب بتاعتي في الشراء
اشتريت ديب من الستابل بمليون وبعته متسمي ليفل 20 بمليون و 200 الف يعني تقدر تقول ان اللي اشتراه كان عبيط
واشتريت واحد تاني no name ليفل 29 بمليون ونص وطبعاً كان لقطة فخدته وسميته عنتر باشا ولسه معايا حتى الان ومش هفكر ابيعه ابداً
يعني لو ربنا فاتحها معاك اشتري ديب مش متسمي احسن عشان تحس ان الديب ديبك بجد وتسميه على مزاجك
ثاني حاجه نشرح الحاجات الجديدة اللي بتطلعلك في الشاشة لما الديب ينزل
انت لما تحب تنزله تضغط عال I وتيجي على ايكونته وتضغط كليك يمين هتلاقيه نزل معاك
هيظهرلك الجزء ده تحت المكان اللي فيه ليفل الشخصية
طبعاً انت شايف الاسم وجنبيه الليفل بتاع الولف وتحتيهم خط احمر وهو ده دم الديب
وخط اصفر وهو ده ال hunger وده هنشرحه في مكانه
تاني حاجه بتظهرلك فوق الايكونات اللي بالارقام
بالارقام نبدأ
1- الايكون دي معناها ان الديب لو ضربت وحش هيهاجم معاك ولو حبيت الديب ميهاجمش معاك تضغط عليها كليك يمين
2- الايكون دي مستخدمهاش غير لما تخلي الديب يهاجم وحش اقل منه في الليفل بكتير
ودي انت تضغط عالوحش اللي عاوز تهاجمه وتضغط عالايكون دي كليك يمين هتلاقي الديب راح يهاجم لوحده
3- دي لما تضغط عليها كليك يمين هتخلي الديب يجري وراك ... هو بيجري وراك على طول ... بس نفرض انك سيبته يضرب وحش وحسيت انه هيموت فانت تضغط عليها عشان يرجعلك
4- ودي لو حبيت تخلي الباشا يريح جوا في كرتونته
وطبعاً لازم تستنى 20 ثانية بعد ما لو كنت بتقتل وحش ولا حاجه
5- ودي ال information بتاعت الديب وهتطلعلك الصورة دي
اول خط الاحمر ده بتاع الدم وتقدر تزود الدم باستخدام ال potion بتاع الحيوانات اللي بتشتريه برده من ال stable
الخط الاصفر ده بتاع ال hunger وهو 10000
ودي بتقل باستمرار طول ما انت منزل الديب عشان كده يفضل انك متنزلوش غير وانت بتحارب الوحوش و بس
لكن هتقولي هو انا كل شوية هأكله ولا ايه
اقولك لا يا سيدي
اللعبة مراعية النقطة دي اوي
يعني لو انت مش بتنزله غير قدام الوحوش بس ( يعني مش وانت رايح تجارة لان في التجارة مش هتقتل على طول ) مش هتحتاج تستخدمله الاكل بتاعه غير لما يوصل ليفل 32 مثلاً
يعني انت متأكلوش غير لما يوصل 5 % وتكون حاسس انه مش هيعدي الليفل قبل ما ال 5 % دول يخلصوا
هتقولي طب وايه لازمة الليفل
ما هو كل ما الديب بيعدي الليفل بيرجع الاكل 100 % زي ما كان
ودي ميزة حلوة اوي
طب لما تعوز تستخدمه تعمل ايه !
تشتري الاكل بتاعه من الاستابل برده وبيكون على شكل ازازة صفرا الواحدة ب 2000 دهب بس
وكل ازازة بتدي الولف 10 % اكل زيادة
خلي بالك لو الاكل وصل 0 % الولف هيموت وهضطر تدفع 50 الف عشان تحييه
وبرده لو دمه خلص
بتشتري حاجه اسمها grass life ب 50 الف وتضغط عليها كليك يمين وتيجي على ايكون الديب وتضغط يمين هيقولك عاوز تستعملها قوله اه
ثالث حاجه هي الاكسبرينس بتاعت الولف وعموماً لكل وحش الولف بياخد اكسبرينس اكتر ومش بيتأثر بالفارمينج
لو الديب بأه اعلى منك في الليفل مش هيزيد الاكسبرينس بتاعه خالص غير لما تبقى اده في الليفل
طبعاً الديب مش بياخد كويستات عشان كده بيعوضوه
لازم تبص على حاجات مهمة زي الليفل و الفيزيكال بتاعه بيزيد كل ما زاد الليفل
يعني زيادة في قوة الضربة
باقي بس اقول حاجه
لو كان الديب بتاعك اقل من ليفل 20 متنزلهوش في مكان فيه وحوش بتضرب لوحدها عشان ممكن يموت منك كتير
لو حصل ومت مش هتقدر تزود الدم بتاع الولف وبالتالي هيفضل ينضرب لحد ما يموت الولف
عشان كده لو انت مت ارجع المدينة فوراً عشان الديب يختفي من قدام الوحش وميموتش
بس خلاص
لو حد عاوز حاجه يسألني وانا تحت امره
الرئيسية 
