عيش ده ولا بتون ساليه يا حمادة؟؟؟؟؟؟؟؟؟

النهار ده الصبح نزل أخويا يجيب الفطار و طبعاً أشترى عيش فينو
أنا دخلت المطبخ ببص علي الكرسي لأيت كيس فيه بقسمات أو كحك بسمسم

المهم قلت لأخويا
إيه ده يا حمادة أنت مجبتش عيش ولا ايه ؟؟
الواد بصلي كدة و قالي أمال اللى على الكرسي ده أيه
أنا بصتله و قلت له هو ده عيش يا حبيبي ده أنا كنت فاكره إن ده باتون ساليه

قالي الفرن معندوش غير العيش ده عجبك كلي مش عجبك متكليش
قلت له طيب هو الفينو ده بكام
قال لي أنا أشتريت بجنيه خمسة يعني الواحد بعشرين قرش
أنا قلت له حمادة يا حبيبي أوعي تكون بتضحك علينا و أشتريت بالباقي حاجة حلوة
قال لي بنرفزة أنا مش بكدب دول كدة بجنيه و لو مش مصدقة إنزلي أسئلي بنفسك

ماما دخلت علينا و خليتها تشوف الكحك قصدي العيش طبعاً بعتت محمد يشتري ب تلاتة جنية كمان عيش لأن العيش اللى جابة ميكفيش فرد واحد