انا مش عارف اتغير موضوع للنقاش

ازيكم جميعــــــــــا يارب تكونوا بخـــــــــــــير

هيا ممكن تكون فكره الموضوع قديمه شويه بس جات فى بالى ناو وانا قاعده
لانها فكره مهمه جداااااا

((انا مش عارف اتغير كل مااتغير تحصل حاجه ترجعنى عن كل الى انا ناويه
كل ماا اقول انا هابدا اعيش حياتى بمبدا برجع بضعف تانى ومش بس انا بضعف اوووووووى
ايوه بفوق لما بروق واحاسب نفسى بكام سؤال وارجع اوقل مافيش مخلوق ما بيغلطش ده شئ محال وارجع تانى اغلط تانى كانى بكلم واحد تانى انا زعلان من نفسى حقيقى انا غلطان وضعيف وانانى
على الحال ده بقالى كتير
على الحال ده انا وكتير ))

الاغنيه ديه فعلا بتعبر عن الى جوا كتير مننا صح ؟
اكيد كل واحد مننا ببيعيش لحظه صدق مع نفسه ويلاقى
حاجات كتير فى حياته بيعملها غلط ولازم تتغير يروح يقول انا لازم اتغير واغير سلوك حياتى كلها وكده وخلاص قرر انه يتغير
ومثلا يجى بكره يرجع فى كلامه ويقول انا مش هاعرف اتغير انا واخد واتعودت على كده ومش هاعرف اتغير مع انه كان مقرر خلاص انه هايتغير
اكنه مثلا بيكلم واحد تانى غير الى كان بيكلمه

ومثلا يجى واحد
يسمع اغنيه زى اغنيه تامر ديه ويتاثر بيها جداااااا
ويجيب بقى قناه اقرأ ويقعد يسمع فى قرأن وكده وبعديها بكام يوم اذا ما مكنش بعديها بكام ساعه او يوم واحد يقوم يزهق ويقوم يفرفش بقى شويه عن نفسه يقوم جايب مثلا قناه ميلودى تتحدى الملل ولا مزيكا ويسمع فى اغانى
ويعمل حاجات كتيره اوى تغضب ربنا
فا فين بقى الى انتا قولته لنفسك وقولت انك هاتتغير ؟؟؟
فاليه كلنا مش عارفين نغير نفسنا
هل عشان بنتاثر بكلام الى حوالينا ولا عشان مش عندنا قوه ايمان وعزيمه واراده قويه ولا ايه بقى
انا مش عارفه !!!!!

ماتيجوا كلنا نتناقش فى الموضوع ده سوا ونعرف
1-ايه الحاجات الى بتبقى عايز تغيرها فى نفسك ومش عارف ؟
2-ايه السبب الى بيخليك تضعف وترجع فى كلامك ومش بتغير حاجه فى نفسك ؟
3-وكمان كل واحد عرف يغير حاجه فى نفسه ياريت يقولنا ايه هيا الحاجه ديه وعرف يغيرها ازاى؟ عشان برده نستفيد ..

فعلا يا Smiley Girl الموضوع ده بيحصل معانا كتير الشباب كتير انا نفسى حصل معايا كتير اكيد كل واحد عندوا غلط لما بيحاول يغير نفسوا بيقابل صعوبات بتهبط هزيمتوا و تخليه يرجع زى الأول عشان كده لما يحب الأنسان يتجه لربنا لازم فى كل صلاة و كل ركعة و كل دقيقة يبقى فاكر ربنا و يطلب من ربنا التثبيت على الطريق و مشكور على الموضوع الجميل

» موضوع شامل عن سلك رود
» موضوع حول الاعاصير
» الصلاه
» موضوع خاص بال Loaders (متجدد)
» سامو زين " عارف ايه "